Mga residente sa siyudad sa Malaybalay, mireklamo sa kabaho ug pagdagsa sa langaw tungod sa mga poultry ug piggery

Gireklamo sa mga residente ang grabeng langaw ug baho nga giingong gikan sa mga poultry ug piggery sa Barangay Patpat, Dansolihon sa Malaybalay City.

Miingon si Konsehal Jayson Chad Ayala nga nakadawat na ang ilang buhatan og mga reklamo gikan sa mga concerned citizen ug iyang aksyonan kini dayon.

Gipunto usab sa konsehal nga kinahanglan masulbad ang problema sa langaw ug aron malikayan ang dugang peligro sa panglawas sa mga residente.

Samtang, gibutayag sa konsehal nga ginamonitor sa City Environment and Natural Resources Office o CLENRO ang mga poultry ug piggery gamit ang drone aron masusi ang ilang mga lugar.

Gilakip usab sa reklamo dili lang ang langaw kundili ang baho nga giingong nakaapekto sa mga residente sa maong mga lugar.