Naghiusa karong Oktubre 1, 2026 ang mga senior citizen sa nagkadaiyang barangay sa Quezon, Bukidnon alang sa selebrasyon sa ika-10 Senior Citizens’ Day nga gihimo sa Quezon Civic Arena.
Gibanabana nga 9,538 ka rehistradong senior citizens ang gilauman nga moapil sa kalihukan, diin gitanyag kanila ang nagkadaiyang serbisyo ug mga kalihukan alang sa ilang kahimsog, kalingawan ug pakig-uban sa komunidad.
Lakip sa mga programa ang libreng pagpaputol sa buhok, pagmasahe, manicure ug medical check-up, ingon man ang Seniors Got Talent, raffle, parlor games ug uban pang mga dula ug kalihokan.
Gihatagan usab og libreng sakyanan ang mga senior citizen gikan sa ilang mga barangay paingon sa venue ug pabalik aron mapadali ang ilang pag-apil.
Pinaagi sa maong kalihokan, gipasidunggan usab ang kontribusyon, kasinatian ug papel sa mga senior citizen sa ilang pamilya ug komunidad.