Nagpadayon ang prosecution sa pagpalig-on sa mga ebidensya sa impeachment case batok kang Vice President Sara Duterte, lakip ang mga rekord sa bangko ug isyu sa GenCorp.
Gipamusgos ni Rep. Jude Acidre sa Tingog Partylist nga bisan wala kunoy kahibalo si Davao City Mayor Sebastian Duterte sa business interest sa iyang igsoon, dili niini mausab ang isyu sa kontrata tali sa Davao City ug GenCorp.
Gipunting usab sa mambabalaod nga ang kontrata gihatag sa kompanya nga adunay interes ang Vice President. Matud niini, dili kini mausab bisan pa og miingon ang mayor nga wala siya kahibalo sa maong isyu.
Samtang, gihisgutan usab ang mga rekord sa bangko nga gustong ipresentar sa prosecution isip kabahin sa ilang ebidensya. Giingon nga kinahanglan silang mangita og paagi aron legal nga mapresentar ang maong mga dokumento.