P469 milyon ang giingong nadawat sa magtiayong Duterte-Carpio gikan sa gobyerno sa China

Giakusahan ni kanhi Senador Antonio Trillanes ang magti-ayon nga sila Vice President Sara Duterte ug Atty. Mans Carpio nga nakadawat matud pa og kapin P469 milyon gikan sa gobyerno sa China. 

Matud ni Trillanes, P319 milyon niini ang giingong napadulong sa negosyo ni atty. Mans Carpio, samtang P150 milyon usab ang giingong napa-ingon sa usa ka foundation nga gipangulohan sa bise presidente.

Gipadayag ni Trillanes nga para kaniya, nagpakita kini sa suporta sa gobyerno sa China ngadto sa magti-ayong Duterte-Carpio.

Gipamugos usab niini nga posibleng mahimong basehan kini sa impeachment tungod kay dili mahimong modawat og kuwarta ang usa ka taas nga opisyal sa gobyerno gikan sa laing nasud.