Gipadayag ni Israeli Prime Minister Benjamin Netanyahu nga prayoridad karon sa ilang nasud ang pagpahuyang sa impluwensya sa Hezbollah sa Lebanon dungan sa nagkagrabe nga tensyon sa Middle East.
Gibutyagni Netanyahu nga nakapokus ang pwersa sa Israel sa Bint Jbeil, ang giila nga nag-unang balwarte sa Hezbollah sa habagatang Lebanon, diin gipasalig niini nga hapit na kini hingpit nga mapildi.
Misamot ang panagbangi tali sa Israel ug sa grupo nga gisuportahan sa Iran human sa gihimong pag-atake sa U.S. ug Israel batok sa Iran, nga giingong nagduso sa rehiyon padulong sa mas halapad nga gubat.
Samtang nagpadayon ang koordinasyon sa Israel ug Estados Unidos aron limitahan ang nukleyar nga kapasidad sa Iran, gipahibalo ni Netanyahu nga andam ang Israel sa bisan unsang senaryo nga mahimong motumaw sa umaabot nga mga adlaw.