Gitawag ni Senator Imee Marcos nga bakakon si Ramil Madriaga human sa mga pamahayag niini sa Kamara kalabot sa pagkamugna sa UniTeam niadtong eleksyon 2022.
Atol sa gipahigayong press conference karung adlawa direktang gitawag sa senador si Madriaga nga usa ka dakong bakakaon.
Matud pa niini ang tanan gustong makadungog sa mga bakak niini adunay lugar sa Impyerno.
Sumala sa senador, walay kamatuoran ang mga gipangbutyag ni Madriaga, ilabi na ang bahin sa giingong “term-sharing” sa pagkapresidente.
Isip usa sa mga naglihok luyo sa UniTeam, gipadayag ni Imee Marcos nga sa orihinal nga plano niadtong Mayo 2021, si Vice President Sara Duterte unta ang gitakdang modagan isip presidente, samtang si Presidente Ferdinand “Bongbong” Marcos Jr. ang mamahimong bise-presidente niini.
Sukwahi kini sa gibutyag ni Madriaga sa atol sa gipahigayon nga hearing kagahapong adlawa.
Kini nga reaksyon sa senador migula taliwala sa nagpadayong init nga diskusyon sa Kongreso kalabot sa mga isyu ning kasamtangang administrasyon ug sa bise-presidente.