Miss Earth Karen Ibasco, mapasigarbohon sa makasaysayanong Coachella performance sa BINI

Gipasigarbo ni Miss Earth 2017 Karen Ibasco ang P-pop group nga BINI human sa makasaysayanong performance sa Coachella  sa California.

Isip mentor sa grupo, gipadayag ni Karen sa iyang Instagram ang dakong garbo sa nakitang progreso ug kalampusan sa walo ka miyembro sa international stage.

Nagtala og kasaysayan ang BINI isip labing unang Filipino group nga nakatunob sa maong festival, diin ilang giuyog ang Mojave stage sulod sa 45 minutos gamit ang ilang napulo ka mga kanta.

Matud pa ni Karen, nagbunga ang tanang sakripisyo ug kahago sa grupo nga karon padayon sa pag perform sa global music scene.