100 -anyos nga lola, exercise ug pag-inom og bino ang sekreto sa taas nga kinabuhi

Nag-viral sa social media ang video sa usa ka 100-anyos nga lola gikan sa Iloilo City nga aktibo gihapon sa pag-exercise bisan sa iyang pangidaron diin haduol na ang ika-101 nga adlaw’ng natawhan niini.

Sumala sa iyang apo, nakurat kini pagkakita nga nag-stretching ug naglihok si Lola Estella sulod sa ilang balay tungod kay dili kini makatulog.

Sa pangutana sa mga netizens bahin sa iyang sekreto, giingon nga ang lola naga-inom og energy drink sa buntag, mokaon og oats sa hapon, ug usahay mag-inom og beer kung adunay okasyon.

Bisan og nakaaghat kini og kalipay ug nagkadaiyang reaksyon online, nahimong inspirasyon gihapon kini sa uban tungod sa iyang aktibong panglawas taliwala  sa taas nga pangidaron.