Gipasalig sa Office of the Ombudsman nga dili maimpluwensyahan sa pulitika ang pagdumala sa mga reklamo batok kang bise Presidente Sara Duterte.
Matud ni Ombudsman Jesus Crispin ‘Boying’ Remulla, nga ang tanang aksyon sa buhatan gibase lamang sa lig-on nga ebidensya ug dili sa politikal nga presyur.
Gipasabot usab ni Remulla nga ang Ombudsman dili mahimong mohukom o molihok batok sa usa ka giakusahan kung wala’y klaro ug lig-on nga basihanan.
Bisan pa sa alegasyon nga ang proseso sa impeachment giisip sa pipila nga politikal, miluwat kini nga ang mga pagdungog sa House Justice Committee nag-agad gihapon sa ebidensya.
Samtang, gipadayag ni usab ni Assistant Ombudsman Atty. Mico Clavano, nga ang mga reklamo batok sa bise Presidente anaa na sa fact-finding stage ug gikonsolida na tungod sa pagkapareho sa ubang petisyon.
Dugang pa niini, nga ang opisina naglihok uban ang pagkaalerto aron malikayan ang pagkalapas sa balaod, samtang gitutokan usab ang posibleng epekto sa nagpadayon nga impeachment proceedings.
Padayon gihapon ang imbestigasyon sa Ombudsman, apan giila nga tan-awon usab sa ahensya ang angay nga lakang kung moabot na sa Senado ang maong mga kaso.
Kahinumdoman nga giatubang ni bise Presidente Duterte, ang mga reklamo nga naglakip sa graft, plunder ug korapsyon nga gisang-at sa pipila ka civil society groups ug indibidwal sama ni former Sen. Antonio Trillanes IV.