36-anyos nga lalaki, nadakpan sa anti-drug operation sa dakbayan sa Malaybalay

Nasikop ang usa ka 36-anyos nga lalaki sa anti-illegal drug operation sa Purok 6C, Barangay 10, Malaybalay City, Bukidnon, kagahapong adlawa.

Ang suspek nga nailang si Ramon, residente sa Purok 8, Casisang, Malaybalay City, giila sa kapulisan isip Street Level Individual o SLI.

Nakuha gikan sa suspek ang unom ka heat-sealed transparent plastic sachets sa gituohang shabu nga motimbang og 3.074 gramos, nga adunay Standard Drug Price nga P20,903, lakip ang buy-bust money ug uban pang ebeidensya.

Ang dinakpan anaa sa Malaybalay City Police Station ug giandam na ang kaso batok kaniya tungod sa giingong paglapas sa Republic Act 9165 o Comprehensive Dangerous Drugs Act of 2002.