Nadakpan ang tulo ka indibidwal nga nalambigit sa giingong pagpayuhot og ilegal nga droga atol sa managlahing anti-illegal drug operations sa kapulisan sa Valencia City, Bukidnon.
Ang unang operasyon gilusad sa Purok 3A, Upland, Barangay Poblacion, nga miresulta sa pagkasikop sa alyas “Rey,” 25 anyos, ug residente sa maong lugar.
Nakumpiska sa suspek ang gituohang shabu nga motimbang og 6.2 gramos, nga gibanabanang mokantidad og P42,160.
Nasikop usab sa Purok 2, Barangay Lumbo, ang duha ka indibidwal nga giilang si Luoie 42 anyo, ug si Hansel 20 anyos nga parehong residente sa maong barangay.
Nakuha gikan kanila ang gituohang shabu nga mokabat sa 16.2 gramos, nga gibanabanang mokantidad og P110,160.
Sa pagkakaron, anaa na sa kustodiya sa Valencia City Police Station ang tulo ka dinakpan alang sa dugang nga imbestigasyon ug tukmang legal nga proseso