Dili muubos sa 170 ka tawo patay human sa pag-atake sa baryo sa Kwara State, Nigeria

Dili muubos sa 170 ka tawo ang namatay sa pag-atake sa mga armadong grupo sa usa ka baryo sa Kwara State, Nigeria.

Padayon pa karon ang pagpangita sa mga sundalo ug otoridad sa mga palibot nga kakahuyan aron pangitaon ang mga patay’ng lawas.

Kini na ang pinagrabe nga pag-atake nga natala karong tuiga sa maong distrito nga utlanan sa Niger State, usa ka lugar nga padayon nang ginatarget sa mga armadong grupo nga nagapanulis sa mga baryo, nagapangidnap sa mga residente ug nagapangawat sa kahayupan.

Gisunog usab ang mga balay ug tindahan samtang daghang mga tawo ang nawagtang pa. Padayon ang search and rescue operation sa kapulisan ug militar samtang nagkadako ang pressure sa gobyerno sa Nigeria aron nga mapalig-on ang seguridad sa nasud.