ipangutana sa prosecution team sa impeachment trial si Bise Presidente Sara Duterte kon ₱5,000 ba usab ang kantidad nga gihisgotan sa iyang giingong bahad sa kinabuhi ni Presidente Ferdinand Marcos Jr. ug sa pamilya niini.
Kini kasunod sa pamahayag ni VP Sara atol sa usa ka rally sa The Netherlands diin iyang gihisgutan nga dali ra ug nagkantidad lang og ₱5,000 ang pagkuha og hitman o gun-for-hire sa Pilipinas.
Matud ni Bicol Saro Party-list Rep. Terry Ridon, kinahanglang tubagon sa Bise Presidente kon ₱5,000 ba lang ang bili sa kinabuhi sa Presidente ug kon mao ba usab kini ang sistema sa iyang gipagawas nga bahad.
Dugang pa ni Prosecution Spokesperson Rep. Zia Alonto Adiong, nakapaalarma nga daw adunay detalyadong kahibalo ang Bise Presidente sa presyo ug pamaagi sa pagkuha og mamatay-tawo.
Apan gipasabot ni VP Sara nga iyang gihisgutan ang maong kantidad aron ipakita nga dili tanang namatay sa drug war kay extrajudicial killings (EJK), kundili resulta usab sa kuyanap nga guns-for-hire ug krimen sa nasod.