Miubos og 20.75 porsyento ang walo ka focus crimes sa Northern Mindanao sulod sa 103 ka adlaw nga pagpatuman sa Safer Cities Initiative sa Police Regional Office (PRO-10).
Matud ni PRO-10 Spokesperson Police Major Joann Navarro, dako ang natabang sa estriktong pagpatuman sa mga lokal nga ordinansa kauban ang mga barangay ug local government units aron makunhoran ang mga kaso sa murder, homicide, rape, physical injury, robbery, theft, ug carnapping.
Dugang pa ni Navarro, mas gipakusgan usab sa kapulisan ang ilang operasyon ug pagluwat og mga search warrant ubos sa Republic Act 10591 batok sa mga loose firearms o iligal nga armas aron mapugngan ang mga insidente sa pagpanusil sa rehiyon.
Tungod niini, giawhag sa PRO-10 ang publiko nga motabang pinaagi sa pagreport sa mga naghupot og iligal nga armas sa pinakaduol nga police station, samtang gipasalig nga pabilin nga confidential o tago ang identidad sa mga informant.