Posibleng madugangan og repeat concert ang Finale concert ni Regine Velasquez human makita ang kusog nga demand sa tickets para sa duha ka scheduled shows sa Oktubre 17 ug 18 sa SM Mall of Asia Arena.
Bisan pa nga karong adlawa pa unta magsugod ang ticket selling, sayo pa lang sa gabii naglinya na sa online ang daghang fans ni Regine aron makasiguro nga makakuha og tickets.
Adunay mga fans nga giandam gyud ang ilang kaugalingon ug nag-atang og sayo tungod sa kahadlok nga mahutdan og tickets.
Gidawat sa mga fans nga emosyonal ang pag-anunsyo kaniadto ni Regine nga ang Finale mahimong iyang kataposang major solo concert.
Mas nahimong makahilak ang maong pahibalo human niya giangkon nga naglisod siya sa iyang anxiety matag mosaka siya sa entablado.
Tungod sa kusog nga suporta ug panginahanglan sa tickets, posible nga adunay ikatulong show o repeat performance aron mahatagan og higayon ang mas daghang fans nga makakita ug makapaminaw sa performance ni Regine.