Nahimong kontrobersyal ug gika-istoryahan sa social media ang post sa usa ka asawa human gikasab-an sa iyang bana tungod sa pagpalit og bottled water nga nagkantidad og ₱200 matag botelya atol sa ilang bakasyon sa Sugbo.
Gipahayag sa 34-anyos nga asawa nga kinahanglan niya ang tubig tungod sa iyang hika ug kakapoy. Apan misamot ang kasuko sa bana sa dihang mi-order pa kini og ikaduhang botelya nga wala gani mahurot, diin gitan-aw kini sa bana nga usa ka pag-usik-usik sa kwarta.
Gipasabot sa asawa nga dili ang presyo sa tubig ang tinuod nga isyu, kundi ang pamatasan ug pamaagi sa iyang bana sa pagtratar kaniya ug pagdala sa ilang relasyon.
Tungod sa maong post, nabahin ang opinyon sa mga netizen—diin adunay misuporta sa asawa ug nanawagan og pagrespeto, samtang ang uban nagpahinumdom sa hustong paggamit sa kwarta ug maayong komunikasyon sa magtiayon.