18-anyos nga estudyante nadakpan human nag-post og peke nga bomb threat aron lang masuspinde ang klase

Tingkagol sa selda ang gidangatan sa usa ka 18-anyos nga estudyante sa Nueva Ecija human kini nag-post sa social media og bomb threat batok sa ilang tunghaan aron lang unta masuspinde ang ilang klase.

Tungod sa maong hulga, dinaliang gi-inspeksyon sa Explosive Ordnance Disposal (EOD) unit sa PNP ang tibuok tunghaan, diin napamatud-an nga peke ang maong hulga ug walay nakitang bisan unsang eksplosibo.

Daling natultolan ug nadakpan sa kapulisan ang suspek, kinsa miangkon nga gibuhat niya ang maong aksyon aron ra makaliban sa klase ug makapahuway.

Nag-atubang karon ang maong estudyante og mga seryosong kaso kalabotan sa paglapas sa Presidential Decree 1727 (Anti-Bomb Joke Law) ug Republic Act 10175 (Cybercrime Prevention Act)