VALENCIA CITY, BUKIDNON — Nadakpan sa hiniusang operasyon sa kapulisan ang duha ka street-level drug personality human mapaliti og suspected shabu nga nagkantidad og kapin ₱110,000 sa Purok 2, Barangay Lumbo, Valencia City.
Giila ang mga gipangdakop nga sila alyas “Biboy”, 20 anyos, ug alyas “Chester”, 42 anyos, nga parehong nalakip sa talaan sa mga drug personality sa dakbayan.
Nahitabo ang buy-bust operation mga alas 3:24 sa kaadlawon diin nasakmit gikan sa mga suspek ang lima ka sachet sa gipanihiyang shabu nga nagtimbang og 16.2 gramo ug nagbalor og ₱110,160, kauban ang buy-bust money ug usa ka cellphone.
Nag-atubang na ang mga suspek og kasong paglapas sa Sections 5 ug 11 sa Republic Act 9165 samtang pabilin silang tingkagol sa selda sa Valencia City Police Station, sumala sa report ni Bukidnon Police Provincial Director PCOL Oliver Sotto Navales.