Nagpagawas og ikatulong global situation report ang World Health Organization kung asa nagpabiling kritikal ang kahimtang sa Middle East bisan pa sa duha ka semana nga ceasefire sa Iran.
Gikataho ang padayon nga pag-atake sa mga ospital, ambulansya, ug health workers, samtang nadaut usab ang desalination facilities sa Iran, Bahrain, ug Kuwait kansa naghatag og peligro sa suplay sa tubig ug posibilidad sa waterborne diseases.
Bisan lig-on ang global supply sa medical commodities, naglisod gihapon ang paghatod tungod sa airspace restrictions ug taas nga transport costs.
Ang WHO ug mga ka-alyado niini nagpadayon sa paghatag og teknikal nga suporta sa safe water management, sanitation, hygiene, ug contingency planning sa health facilities, samtang gipasiugda ang immunization, disease surveillance, ug mental health support aron masiguro ang padayon nga serbisyo panglawas ug matubag ang panginahanglan sa mga komunidad sa nagpadayon nga krisis.