Boluntaryong nisurender ang usa ka babayeng Medic sa Communist Terrorist Group (CTG) ngadto sa buhatan sa 1003rd Maneuver Company Headquarters sa Sitio Colon, Barangay Halapitan, San Fernando, Bukidnon niadtong milabay’ng adlaw ning kasamtangang tuig.
Giila ang nisurender nga indibidwal nga si alyas “Analyn,” 33 anyos, minyo, residente sa Cabanglasan, Bukidnon, ug giilang medic sa Squad Dos ilawom sa Sub-Regional Sentro de Grabidad PEDDLER, Sub-Regional Committee 2, North Central Mindanao Regional Committee. Dungan sa pagbalik sa sabakan sa balaod, gitunol niini ang usa ka improvised shotgun rifle nga walay markings, usa ka steel magazine, ug upat ka bala sa 12-gauge rounds.
Nahimong malampuson ang maong operasyon tungod sa paningkamot sa mga personahe sa 1003rd Maneuver Company sa S2 RMFB 10, 1004th MC RMFB 10, San Fernando Municipal Police Station, Bukidnon Provincial Intelligence Unit, RPSB San Fernando and Cabanglasan Cluster, 2nd PMFC Bukidnon, BUK-PIT RIU 10, ug 13th Special Action Company.
Samang lig-on usab ang kampanya sa Bukidnon PNP sa pagsumpo sa insurhensya ug terorismo nga maoy babag sa pagkab-ot sa kalinaw sa probinsya, nga nahiuyon usab sa mantra nga “Bagong PNP para sa Bagong Pilipinas: Serbisyong Mabilis, Tapat, at Nararamdaman.”