Naghatag og dakong garbo sa nasud ang mga Pilipinong musikero human nakadaog og tulo ka dagkong internasyonal nga pasidungog sila si Carmelle Collado ug ang P-pop girl group nga BINI sulod lang sa usa ka weekend.
Nakakulit og kasaysayan si Collado sa Bangkok, Thailand human siya gikoronahan isip labing unang kampeon sa Eurovision Song Contest Asia 2026 pinaagi sa iyang kanta nga “Sobra-Sobra.”
Sa laing bahin, nasakmit usab sa BINI ang Favorite Global Music Star (Asia) sa 2026 Nickelodeon Kids’ Choice Awards, diin ilang gilupig ang sikat nga global artists sama ni Taylor Swift, ug giila usab ang grupo isip Most Influential Southeast Asian Artiste – Female sa ikaduhang Jupiter Music Awards sa Vietnam.

