Nadakpan sa usa ka joint police operation ang usa ka wanted person tungod sa kasong Qualified Trespass to Dwelling o ang illegal nga pagsulod sa panimalay sa biktima nga walay pagtugot, didto sa Purok 7, Barangay Poblacion, Impasugong, niadtong Martes sa buntag, Abril 7, 2026.
Base sa report gikan sa Bukidnon Police Provincial Office (BPPO), nahitabo ang operasyon alas 11:30 sa buntag diin ang dinakpan giila nga si Ronnie Boy Ilao Reyes, 38-anyos, ulitawo, ug residente sa Sitio Ilignan, Barangay Guihean, Impasugong.
Gisikop si Reyes pinaagi sa Warrant of Arrest alang sa paglapas sa Article 280 sa Revised Penal Code ubos sa Criminal Case No. 2026-07-S nga gipetsahan niadtong Marso 13, 2026. Gitakda sa korte ang kantidad nga ā±18,000 isip piyansa alang sa iyang temporaryong kagawasan.
Sa pagkakaron, ang suspek anaa na sa kustodiya sa Impasugong Municipal Police Station (MPS) alang sa hustong disposisyon ug ang gitakdang pagpresentar kaniya sa korte sumala sa mando sa warrant.