Wala nipakita pag-usab si Vice President Sara Duterte sa gipahigayon nga ika-duhang impeachment hearing sa House Committee on Justice kagahapong adlawa, Abril 14, 2026.
Kini na ang ikaduhang higayon nga wala mitambong ang Bise Presidente sa hearing nga naghisgot sa duha ka impeachment complaints nga gipasaka batok kaniya. Pormal nga gipangutana ni Rep. Gerville “Jinnky Bitrics” Luistro, ang Chairperson sa komite, kung anaa ba ang respondent o ang representante, apan gikumpirma sa Committee Secretary nga wala kini motambong bisan pa man sa nadawat nga notice.
Nasayran nga ang kampo ni VP Sara niduso og petisyon sa Supreme Court aron mangayo og Temporary Restraining Order (TRO) aron mapugngan ang pagpadayon sa mga hearing sa Kamara samtang gikuwestiyon sa maong kampo ang legalidad sa maong proseso.
Taliwala sa wala pagtambong sa Bise Presidente, gipaspasan sa komite ang ilang lakang pinaagi sa pag-apruba sa Subpoena Duces Tecum.
Kini aron mapugos ang pagsumite sa mga importanteng dokumento ug ang pagpapatawag sa mga personalidad nga nalambigit sa isyu.