Direktang gitudlo ni Ramil Madriaga si Bise Presidente Sara Duterte nga maoy utok luyo sa paghatod sa mga confidential funds ngadto sa nagkalain-laing dapit, lakip na sa Office of the Ombudsman.
Sa nahimong pag-kuwesyon ni Rep. Terry Ridon si Madriaga sa Komite atol sa gipahigayon nga hearing sa House Justice Committee, gikumpirma ni Madriaga kinsa nagpaila nga kanhi aide og bagman sa Bise Presidente, nga matud pa personal nga mando sa Bise ang pag-apod-apod sa maong pondo.
Gipanghimakak usab ni Madriaga ang depensa ni Duterte nga dili kini kaila, diin iyang gipresentar ang mga hulagway ug mga screenshot gikan sa mga nangaging video conferences isip lig-on nga ebidensya sa ilang panag-uban.
Matud pa niini namakak ang Bise Presidente tungod kay halos 24 oras silang magkauban niadtong panahon sa kampanya.