Gibutyag ni Vice President Sara Duterte, nga niaging tuig pa niya na-recruit ang iyang mahimong running mate alang sa 2028 presidential elections.
Apan wala niya gipahibalo ang ngalan niini aron “maprotektahan” ang identidad sa maong kandidato.
Kahinumduman nga niadtong Miyerkules, mipahibalo si Duterte nga modagan siya isip presidente sa 2028.
Gipasabot usab ni Duterte, nga kon siya makadaog, ang iyang mahimong bise presidente maoy motutok kung kinsa ang manubag sa mga nagabuhat og sayop, samtang siya magpokus sa iyang mga responsibilidad isip pangulo.
Sumala pa ni Duterte, wala dayon niya gisuginlan ang iyang amahan nga si kanhi Pangulo Rodrigo Duterte bahin sa iyang sayong deklarasyon.
Ang nahibalo lamang mao ang iyang bana nga si Manases Carpio, ang iyang mga anak, ug pipila ka staff nga mitabang sa pagsulat sa iyang Tagalog speech.
Gipahibalo usab sa Bise Presidente sa iyang inahan nga si Elizabeth Zimmerman ang maong desisyon.
Dugang pa niini nga nagdesisyon siyang mag-anunsyo og sayo tungod sa panawagan ug hangyo sa iyang mga tagasuporta.
Gihisgutan usab niini ang pahayag sa iyang amahan niadtong 2021 nga ang pagkapangulo “dili para sa kababayen-an.”
Matod pa ni Duterte, walay kalabotan ang gender sa abilidad sa usa ka tawo sa pagdumala sa nasud.
Matod pa niini nga sa iyang panan-aw, sa tanang butang, dili lamang sa pagkapangulo, diin nga walay gender consideration, ug ang pagkapangulo walay kasarian.