Pormal nang gideklarar ni Bise Presidente Sara Duterte ang iyang tinguha sa pagdagan isip Pangulo sa Pilipinas sa umaabot nga eleksyon sa tuig 2028. Atol sa usa ka press briefing karong adlawa, Pebrero 18, 2026, walay pagduha-duha nga gipahibalo sa Bise Presidente ang iyang plano sa politika.
Gawas sa maong anunsiyo, nangayo usab og pasaylo si Duterte ngadto sa mga Pilipino tungod sa iyang nahimong papel sa pagdaog ni Presidente Ferdinand “Bongbong” Marcos Jr. niadtong 2022.
Sumala pa niini, gibati niya ang panginahanglan nga mangayo og dispensa sa publiko, lakip na sa mga nakita niyang kakulangan sa kasamtangang administrasyon. Kini nga deklarasyon ni Duterte nagtimaan sa sayong paglihok sa dagan sa politika sa nasod alang sa sunod nga presidential elections, samtang nagpadayon ang init nga mga isyu sa gobyerno.