VP Sara Duterte, nagpahinumdom sa unang anibersaryo sa pagdakop kang kanhi Pres. Duterte

Gihandom ni Bise Presidente Sara Duterte ning adlawa Marso,11, 2026 ang unang anibersaryo sa gitawag niini nga “extraordinary rendition” o pagdakop kang kanhi Presidente Rodrigo Duterte may kalabutan sa kasong crimes against humanity.

Sumala pa niini, kini usa ka seryosong pahinumdom nga ang balaod dili angay gamiton isip gahom alang sa personal o politikanhong interes.

Giawhag usab  ang publiko nga magpabiling magbinantayon dungan sa pagsaulog sa unang anibersaryo sa pagdakop sa kanhing presidente.

Gitapos sa Bise Presidente ang pamahayag niini pinaagi sa pag-awhag sa tanan nga magkahiusa sa pagpataas sa dungog sa nasod ug pagsiguro nga ang balaod magsilbing katarungan alang sa matag pamilyang Pilipino.