Gihatagan og pagtagad ni Bise Presidente Sara Duterte ang mga benepisyong naangkon sa mga kawani sa Dakbayan sa Valencia pinaagi sa panaghiusa ug kolektibong negosasyon sa Valencia City Government Employees Union o VCGEU.
Sa iyang pamahayag atol sa ika-18 nga Founding Anniversary sa VCGEU niadtong Septyembre 15, 2026, gipatugbaw ni Duterte nga ang mga benepisyo katumbas sa ₱2,500 nga monthly economic relief, ₱30,000 nga CNA incentive, ug ang ₱100,000 nga pabaon sa mga retiring members resulta sa lig-on nga tingog sa unyon sa bargaining table.
Nanawagan usab ang Bise Presidente sa mga bag-ong opisyal sa VCGEU alang sa tuig 2026 hangtod 2029 nga ipadayon ang pagpanalipod sa katungod ug kaayohan sa mga empleyado, samtang gipalig-on ang pakigtambayayong tali sa unyon ug sa kagamhanan sa Dakbayan sa Valencia.