Susihon sa House prosecution team kon pormal nga nakadokumento ba ang tanang kabtangan ni Bise Presidente Sara Duterte sa iyang Statement of Assets, Liabilities, and Net Worth o SALN ug kon nahaom ba kini sa iyang nareport nga kita.
Gipahayag ni private prosecutor Atty. Benjamin “Jay” Tolosa Jr. nga itandi sa prosecusyon ang nakasaad sa SALN ug rekord sa buhis ni Duterte aron matino kon aduna ba’y mga propedad nga wala mailagay sa deklarasyon. Samtang gibutyag usab ni House prosecutor Terry Ridon nga adunay pipila ka tuig nga wala’y gipatik nga cash entry sa iyang SALN diin gilaumang mogawas pa ang dugang impormasyon diha sa mga mosunod nga ebidensya.
Ubos sa 2025 SALN ni Duterte, natala ang iyang kabuuang assets nga mosobra sa ₱122.7 milyon, liabilities nga ₱24.1 milyon, ug net worth nga ₱98.6 milyon. Giklaro ni Tolosa nga gikan mismo sa opisyal nga deklarasyon sa Bise Presidente ang gigamit nga mga numero alang sa pagtuki sa giingong unexplained wealth.