Nagpabilin ang suporta sa “Unkabogable Star” nga si Vice Ganda alang kang kanhi Bise Presidente Leni Robredo kon ugaling modagan kini og usab pagka-presidente sa umaabot nga 2028 elections.
Atol sa usa ka interview, gitataw sa comedian-host nga si Robredo gihapon ang iyang “napupusuan” o gipili nga kandidato. Sumala ni Vice, ang desisyon sa pagdagan dili lang para sa kaugalingon kondili alang sa mas dako nga katuyoan.
Bisan pa man sa mga hungihong, giklaro usab ni Vice Ganda nga wala siyay plano nga mosulod sa politika o modagan pagka-senador sa umaabot nga piniliay.
Si Vice Ganda usa sa mga aktibong celebrity supporters ni Robredo niadtong 2022 presidential campaign, ug nagpabilin ang iyang pagtuo sa liderato sa kanhi bise presidente bisan pa man sa kapildihan niini kaniadto.