Naangol ang drayber sa usa ka Isuzu nga sakyanan human kini makadumbol sa likod sa usa ka wing van sa may Hagkol, atbang sa Hotel Valencia sa maong dakbayan, takna sa alas-8:00 kagabii.
Nakaangkon og samad ug naipit ang tiil sa wala gipanganlang drayber samtang nakasustener usab og minor nga bun-og ang mga pasahero.
Gikan sa lungsod sa San Fernando ang mga biktima aron mamaligya og prutas ug padulong na matud pa mopauli sa Maramag sa dihang mahitabo ang aksidente.
Subay sa inisyal nga imbestigasyon, kalit nga mi-full brake ang wing van aron likayan ang usa ka motorsiklo nga natumba ug misulod sa iyang agianan.
Daling girespondehan sa mga rescuer ug kapulisan ang insidente aron matabang ang naangol nga drayber ug ma-hospital, ingon man ang pagpahigayon og clearing operation aron maresolba ang temporaryong trapiko sa maong bahin sa national highway.
‎Miresponde dayon ang mga rescuer ug kapulisan sa lugar aron tabangan ang mga biktima ugmasiguro ang kahapsay sa trapiko.
Ang insidente hinungdan sa temporaryong paghinay sa dagan sa mga sakyanan sa maong bahin sa national highway samtang gipahigayon ang rescue operation ug clearing.