Gipahibalo ni US President Donald Trump nga temporaryong dumalahon sa Estados Unidos ang Venezuela human sa usa ka operasyon sa militar nga miresulta sa pagkadakop kang Presidente Nicolás Maduro ug iyang asawa nga si Cilia Flores. Sa usa ka press conference sa Mar-a-Lago, miingon si Trump nga ang Washington maoy magdumala sa nasod sa makadiyot aron maseguro ang hapsay ug luwas nga transisyon sa panggamhanan. Apil sa tumong sa Amerika ang pagpasig-uli sa sektor sa lana isip kabahin sa plano sa pagbangon sa ekonomiya sa Venezuela.
Gidala si Maduro ug Flores sa New York pinaagi sa militar nga ayroplano aron atubangon ang mga kaso nga naglakip sa narco-terrorism, drug trafficking, ug ilegal nga pagpayuhot og armas, sumala sa administrasyong Trump.
Gipasabot sa US nga gikinahanglan ang maong lakang aron mapahunong ang illegal nga pagbaligya og droga paingon sa Amerika ug aron masiguro nga ang mosunod nga liderato sa Venezuela naglangkob sa kaayohan sa nasod.
Bisan pa niini, mibangon ang kabalaka ug pagsupak kay wala pa kini klarong pagtugot gikan sa US Congress, samtang padayon ang mga protesta sa pipila ka bahin sa Caracas batok sa gihulagway nga panghilabot sa langyaw nga gahum.