Nagsugod na ang partial shutdown sa US Department of Homeland Security (DHS) karong Sabado tungod sa panagbangi sa mga magbabalaod sa Amerika mahitungod sa badyet sa maong ahensya.
Liboan ka mga empleyado sa gobyerno, lakip na ang mga airport security agent ug disaster relief officials, ang gipapauli una (furloughed) o gipugos sa pagtrabaho bisan walay suweldo samtang wala pa’y kasabutan ang Kongreso sa pundo.
Ang sentro sa panaglalis mao ang Immigration and Customs Enforcement (ICE), diin ang mga Democrats mibabag sa paghatag og pundo hangtod nga dili usbon ang pamaagi sa operasyon sa maong ahensya. Bisan pa niini, magpadayon gihapon ang operasyon sa ICE gamit ang pundo gikan sa niaging tuig, samtang ang ubang ahensya sama sa FEMA ug TSA ang mas maapektohan sa maong pagsira.