Giangkon sa nasod sa Iran niadtong, nga ilang gipahagsa ang upat ka mga aircraft sa Estados Unidos atol sa gihimong rescue mission aron luwason ang usa ka Amerikanong piloto didto sa probinsya sa Isfahan.
Sumala ni Ebrahim Zolfaqari, ang tigpamaba sa Revolutionary Guard sa Iran, naglakip kini sa duha ka C-130 military transport planes ug duha ka Black Hawk helicopters, dungan sa pagtawag sa maong operasyon isip usa ka “dakong kapakyasan.”
Bisan pa niini, gipahibalo ni US President Donald Trump sa iyang Truth Social account nga malampuson ug “milagroso” nga naluwas ang seryoso nga naangol nga piloto gikan sa kabukiran sa Iran.
Matod pa nga adunay duha ka transport planes nga “na-stuck” o wala na makalihok, hinungdan nga gipabuthan kini sa mga Amerikanong commander aron dili mapaingon sa kamot sa mga Iranian. Gikataho usab nga lima ka tawo ang namatay atol sa maong tensyonado nga operasyon samtang nagpadayon ang grabeng gubat tali sa duha ka nasod.