Trump nangandam na para sa iyang State of the Union Address

Naghatag na og giya ang White House bahin sa unod sa State of the Union Address ni US President Donald Trump.

Mahitabo kini sa may alas-10 sa buntag karong Miyerkules (oras sa Pilipinas), dungan sa ika-119th Congress.

Matud pa sa White House, mahimong taas ang maong diskurso ni Trump tungod sa kadaghan sa iyang mga nahimo o accomplishments.

Gipaabot usab ang paganunsyo sa iyang mga prayoridad nga proyekto ug ang mga gisugyot nga pulisiya nga ipatuman sa Estados Unidos.