Gipadayag ni kanhi senador Antonio Trillanes IV nga i-turn over niya sa prosecution team ang tanang dokumento nga iyang nakuha kalabot sa giingong mga transaksiyon ug koneksiyon nga iyang gilambigit kang Vice President Sara Duterte.
Kini human niya bawi-on ang iyang testimonya isip witness sa impeachment trial, diin iyang giingon nga napugngan siya sa higpit nga mga lagda sa Impeachment Court sa pagpresentar sa iyang mga ebidensiya.
Samtang, iyang gipangutana kung nganong wala siya ma-subpoena alang sa iyang testimonya bisan pa nga nalakip ang iyang ngalan sa listahan sa mga posibleng saksi.
Giklaro usab ni Trillanes nga dili niya ihikaw sa prosecution ang mga impormasyon nga iyang nabatonan bisan wala siya makatestigo ubos sa panumpa.
Sa iyang pagtan-aw, ang higpit nga mga lagda sa impeachment court maoy usa sa hinungdan nganong mas limitado ang iyang kapasidad sa pagpresentar sa mga ebidensiya didto.
Gipadayon ni Trillanes ang iyang pagpaningkamot nga mahatag sa prosecution ang mga dokumento nga iyang giingong mahimong makatabang sa imbestigasyon batok sa mga alegasyon nga nalambigit kang VP Sara Duterte.