Gipahunong sa Detroit Pistons ang mainit nga 12-game winning streak sa San Antonio Spurs human nila kini gipukan sa iskor nga 105-93 didto mismo sa balwarte sa San Antonio.
Bisan og kuwang sa mga magduduwa ang Detroit, nangulo si Cade Cunningham sa ilang opensa pinaagi sa 27 puntos ug unom ka assists, uban sa 25 puntos ni Daniss Jenkins ug 14 puntos ug 12 ka assists gikan kang Ausar Thompson.
Hugot usab nga depensa ang gipatuman sa Pistons aron mapugngan ang Spurs sa ilang labing ubos nga iskor karong season, diin nakawang ang 25 puntos ug 18 ka rebounds ni Victor Wembanyama ingon man ang 20 puntos ni Dylan Harper nga nadakin-as ug naangol sa kataposang minuto sa duwa.

