Patay ang usa ka 50-anyos nga lalaki human mabanggaan sa bus samtang mitabok sa national highway sa Barangay Lulukan, Manolo Fortich, Bukidnon, ala una sa kadlawon kagahapong adlawa.
Residente ang biktima sa Inotlan, Claveria, Misamis Oriental. Base sa imbestigasyon sa kapolisan, kalit nga mitabok ang biktima sa dalan samtang nagbiyahe paingon sa Malaybalay gikan sa Cagayan de Oro ang bus.
Gituohang nakainom og makahubog nga ilimnon ang biktima, samtang wala na makalikay ang drayber bisan hinay ang dagan sa sakyanan.
Gidala pa sa Bukidnon Provincial Hospital ang biktima apan gideklarar kining dead on arrival. Samtang, anaa na sa kustodiya sa Manolo Fortich Municipal Police Station ang drayber ug ang bus alang sa dugang nga imbestigasyon.

