Nasikop sa mga otoridad ang usa ka 28-anyos nga lalaki nga giila isip Top 2 Most Wanted Person sa Provincial Level sa usa ka operasyon sa kapulisan sa Sitio Tagdu, Barangay Santa Fe, Quezon, Bukidnon.
Ang operasyon gipangunahan sa Quezon Municipal Police Station ubos sa pagpangulo ni PLTCOL Erwin R. Naelga, uban ang Bukidnon 2nd Provincial Mobile Force Company, Bukidnon Provincial Intelligence Unit, 1003rd Maneuver Company Regional Mobile Force Battalion 10, ug PS5 Buhangin Police Station sa Davao City.
Ang suspek, nga usa ka pintor ug residente sa maong lugar, nadakpan pinaagi sa warrant of arrest tungod sa kasong Statutory Rape ubos sa Article 266-A ug Article 266-B sa Revised Penal Code, nga may kalabutan sa Republic Act 8353 ug dugang nga amyenda pinaagi sa Republic Act 11648.
Walay piyansa nga girekomenda alang sa kaso nga giayubang niini samtang nakustodiya sa Quezon Municipal Police Station ang alang sa tukmang disposisyon.