Misamot ang kahimtang sa usa ka babaye sa Russia human siya nagpa-acupuncture aron unta mahuwasan ang grabeng kasakit sa iyang bitiis.
Human sa unang session sa acupuncture sa usa ka practitioner sa Krasnoyarsk, Siberia, misamot hinuon ang iyang kasakit ug mikaylap ngadto sa tiil hangtod dili na niya kini malakaw.
Sa pagpa-check-up niya sa ospital, nadiskubre sa X-ray nga adunay labing menos 10 ka gagmay nga piraso sa nabali nga acupuncture needles nga nabilin ug nabilin sulod sa iyang tiil.
Wala pa matino kung giunsa pagkabali sa daghang dagum atol sa usa lamang ka session.
Gihatagan ang pasyente og antibiotics ug tambal batok sa paghubag, apan posibleng magkinahanglan og major operation kung dili moayo ang iyang kondisyon.
Gipasidan-an usab ang publiko nga mag-amping sa pagpili og acupuncture practitioner ug siguruhong kini lisensyado, sertipikado ug adunay igong pagbansay aron malikayan ang seryosong komplikasyon.