Gipangayo sa kampo ni kanhi Presidente Rodrigo Duterte ang iyang temporaryong kagawasan gikan sa pagka detine sa International Criminal Court (ICC), base sa pormal nga hangyong gisumite niadtong Hunyo 12.
Sumala sa dokumentong gisumite sa iyang kampo nga gipangulohan sa abogadong si Nicholas Kaufman,nga si Duterte dili hulga sa publiko. Gipasabot usab sa kampo ni Duterte nga angay siya tagaan og humanitarian consideration gumikan sa edad niini.Lakip sa ilang giingon mao ang dili siya molayas,Dili niya samokon ang proseso ug dili siya mubuhat ug krimen.
Sa samang adlaw, gisalikway usab sa ICC ang hangyo ni Duterte nga tanggalon ang duha ka huwes nga mohusay sa isyu sa hurisdiksyon sa iyang kaso. Ang korte mitumbok nga walay basihanan ang iyang hangyo.