System loss charge, gilaumang tangtangon sa Bill sa kuryente sa 2027 – DOE 

Gilauman nga mawagtang na ang system loss charge sa bayranan sa kuryente sa tuig 2027, sa wala pa ang sunod nga State of the Nation Address ni Pangulong Ferdinand Marcos Jr. Kini subay sa pamahayag nga gipagawas ni Energy Secretary Sharon Garin.

Ang system loss charge mao ang bayad sa enerhiya nga mawala samtang gipasa ang kuryente gikan sa mga power plant padulong sa mga konsumidor, nga naglangkob sa technical ug non-technical losses.

Matud ni Garin, dili kini sayon nga proseso tungod sa posibleng kalangay sa pagpatuman sa mga electric cooperative bisan pa og makapagawas sila og mga polisiya. Gipahibalo usab niini nga sugdan na ang pakigpulong uban sa Energy Regulatory Commission ug National Electrification Administration bahin niini.