Suspek sa pagpangawat og motor ug kawarta sa Valencia City, nasikop!

Arestado ang usa ka 37-anyos nga lalaki human kini pugsanong nanguha og motor ug kwarta gikan sa usa ka biktima sa Barangay Vintar, Valencia City niadtong milabayng adlaw. 

Matud pa, gigamit sa suspek ang usa ka hinagiban aron hadlokon ang 49-anyos nga biktima ug makuha ang iyang Honda XRM 125 nga motor lakip na ang ₱300 nga cash.

Nadakpan ang suspek sa mga personahe sa Valencia City Police Station human kini nalambigit sa usa ka aksidente sa dalan samtang nagsaka sa kinawat nga motor pipila lamang ka minuto human sa insidente.

Sa pagkakaron, anaa na sa kustodiya sa kapulisan ang suspek alang sa tukmang disposisyon sa kasong Robbery with Violence Against or Intimidation of Persons.