Malampusong nabawi sa Spain ang ikaduhang titulo sa FIFA World Cup isip kampeon human gipildi ang Argentina sa iskor nga 1-0 pinaagi sa extra time diin gipahigayon sa New York New Jersey Stadium.
Ubos sa lig-on nga pagdala ni head coach Luis de la Fuente, naghimo og makasaysayanong rekord ang Spain isip unang team sa kasaysayan sa torneyo nga nahimong kampeon nga nakasulod lamang og usa ka goal sa net sa tibuok walo ka dula.
Ang substitute nga si Ferran Torres mao ang mibuak sa kamingaw sa ika-106 nga minuto human mapahimusli sa Spain ang pagka-red card sa dulaor sa Argentina nga si Enzo Fernández, ug malampuson niining nalutsan ang Argentine goalkeeper nga si Emiliano MartÃnez kinsa nakahimo og talagsaong 11 ka saves sa dula.
Kini nga kadaogan naglugway usab sa ilang 38 ka sunod-sunod nga dula nga walay pilde, samtang ilang gihuptan sa dungan nga higayon ang Men’s World Cup, Women’s World Cup, ug Men’s UEFA Euro nga mga korona sa kalibutan.Â