Nakadawat og espesyal nga regalo ang Filipina member sa global girl group nga KATSEYE, nga si Sophia Laforteza, og usa ka custom-made nga Manananggal doll gikan sa Monster High, usa sa mga iladong fashion doll franchise nga nailhan sa ilang mga karakter nga inspirado sa mga halangdon ug halas nga nilalang sama ni Dracula ug Frankenstein.
Gipakita ni Sophia sa social media ang iyang kalipay samtang nagsul-ob sa usaka outfit nga parehas sa gisul-ob sa iyang Manananggal doll.
Nagpasabot kini sa iyang pasidungog ug suporta sa Filipino culture.
Lakip usab ang ubang miyembro sa KATSEYE sa nakadawat sa ilang tagsa-tagsa ka custom dolls, nga may personalidad nga nagrepresentar sa ilang mga kaugalingon.
Matud pa ni Sophia, proud siya nga maipakita ang Filipino heritage ug kultura pinaagi sa entertainment ug fashion, ilabina samtang nagapadayon ang ilang grupo sa paglambo sa international music scene.
Gikaingon nga ang maong kolaborasyon sa KATSEYE ug Monster High usa ka paagi aron mapaabot ang kultura sa lain-laing nasud sa mas halapad nga global audience.