Gibarugan ni Senador Alan Peter Cayetano nga ang nahitabo nga pag-ilis sa liderato sa Senado nga gipangunahan sa minority bloc kagahapon usa ka “illegal coup d’état” gumikan wala kini nakaabot sa gikinahanglan nga 13 ka boto aron legal nga mapulihan ang Senate President.
Sa iyang video sa social media, giinsistirni Cayetano nga siya pa gihapon ang Senate President bisan pa sa gihimong revamp sa ilang mga kaubanan sa session hall rason sa pagkapili kang Senador Sherwin Gatchalian isip Senate President Pro Tempore.
Sa iyang Facebook live, gihulagway ni Cayetano ang nahitabo nga ilegal ug unconstitutional, ug giingon nga wala matud pay ligal nga basehan aron adunay acting president gawas kung siya mismo matangtang sa pwesto.
Gikuwestyon usab niini kung subli na ba usab nga gibasura ba ang Konstitusyon,
Gibarugan usab ni Senador Alan Peter Cayetano nga siya gihapon ang “lihitimo, legal, ug moral” nga Presidente sa Senado sa Pilipinas.
Gipamugos usab ni Cayetano nga ilegal ang pag-usab sa liderato sa Senado tungod wala matud pa naabot ang quorum.
Matud ni Cayetano, kung kompleto ang 24 ka senador ug makab-ot ang 13 ka boto, andam siya nga mopanumpa sa bag-ong liderato.
Giakusahan usab niini ang pro-administration senators nga gustong kontrolon ang Senado ug pugngan ang mga pagdungog sa Blue Ribbon Committee.
Gi-usa usa pa og basa ni Cayetano ang Senate rules nga nagtakda kung kanus-a mahimong ilisan ang usa ka Senate President.