Gibutyag ni Batangas 1st District Rep. Leandro Legarda Leviste nga nagbilin siya og pahimangno sa pipila ka mga tawo nga ipubliko ang tanang iyang mga file kon adunay dautang mahitabo kaniya.
Gihimo ni Leviste ang maong pahayag sa bisperas sa Pasko, pipila ka oras human niyang ipadayag sa publiko ang 19 ka pahinang listahan sa mga proponent sa mga proyekto sa Department of Public Works and Highways (DPWH) ilalom sa P6.326-trilyong 2025 national budget.
Bisan paman nga walay nabutang kung pila ang kantidad sa insertions sa mga mambabalaod apan gipakita sa listahan ang minilyon-minilyong “allocable” nga kantidad nga mahimong igahin sa matag kongresista matag tuig.Matod ni Leviste, bisan Pasko, gihisgutan gihapon nila sa iyang inahan nga si Senador Loren Legarda, ang iyang trabaho.
Saysay pa niini, nga iyang gipahimangnoan ang iyang inahan sa iyang direktiba nga kon adunay mahitabo kaniya, ipagawas ang tanang mga dokumentong iyang gibilin ug ipadayon ang pagpadayag sa impormasyon.
Wala hinganli sa 32-anyos nga mambabalaod ang mga tawo nga iyang gibilinan. May kalabutan niini apang iyang gihisgutan usab ang pagkamatay sa kanhi DPWH Undersecretary Maria Catalina Cabral, nga giingong tinubdan sa listahan, human mahulog sa pangpang sa Benguet.Sa usa ka bag-ong pamahayag gikumpirma usab ni Leviste nga iyang gihugtan ang iyang seguridad.