Giingong unconstitutional o supak sa Batakang Balaod ang planong pag-oktaba sa Barangay ug Sangguniang Kabataan Elections (BSKE) lakip na ang pondo nga gigahin alang sa maong eleksyon, tungod ang pagkalangay sa katungod sa katawhan sa pagpili og lider walay saktong legal nga basehan.
Sumala ni Atty. Danilo N. Dividina, ang Election Officer sa COMELEC-Malaybalay, ang krisis sa Middle East dili makiangayon o “tamang justification” aron ihunong ang usa ka mandato sa balaod.
Gibutyag usab ang kontrobersyal nga plano sa pag-divert sa budget nga mokabat sa 16 bilyon ka pesos, nga alang unta sa maong piniliay, ubos sa katarungan nga “cost cutting”.
Gipahimug-atan ni Dividina nga ang pagbalhin sa maong pundo ug ang pag-isbog sa eleksyon karong Nobyembre usa ka lakang nga kwestyonable ug nakita sa COMELEC nga dili makiangayon alang sa demokratikanhong proseso sa nasud.