Gisaulog ni Kris Aquino ang ika-19 nga adlaw’ng natawhan sa iyang anak nga si Bimby Yap niadtong Abril 19. Sa iyang mensahe, gibutyag ni Kris nga ang labing nindot nga regalo nga iyang ikahatag mao ang kagawasan ni Bimby sa pagpahimulos sa iyang pagkabatan-on ug ang pagpili sa iyang kaugalingong career.
Matod ni Kris, dako na og sakripisyo si Bimby sa pag-atiman kaniya samtang nagpadayon ang iyang pagtambal sa Amerika. Mapasalamaton usab ang “Queen of All Media” tungod kay duna nay “special girl” sa kinabuhi sa iyang anak, ug nanghinaot siya nga kini na ang mahimong unang girlfriend sa iyang kamanghuran.
Bisan pa man sa iyang gihambing nga sakit, nagpabilin nga positibo si Kris uban sa tabang sa iyang bag-ong medical team ug sa suporta sa iyang pamilya.