Gipahibalo sa Japan Meteorological Agency (JMA) ang bag-ong kategorya alang sa grabe nga kainit sa panahon, diin ang temperatura nga moabot og 40°C pataas tawgon na og “cruelly hot” o “kokusho-bi.”
Tumong niini nga mas mapalig-on ang pagpasidaan sa publiko batok sa peligrosong pagsaka sa temperatura, samtang nagpadayon ang pagdaghan sa heatwave days sa Japan.
Niadtong niaging tuig, narekord sa nasud ang pinakainit npanahon sukad pa niadtong 1989, nga giingong timailhan sa padayon nga pag-init sa klima.
Ang bag-ong ngalan sa kategorya gibase sa survey nga gihimo sa maong ahensya nga nakaangkon og 478,000 ka tubag gikan sa publiko, diin pinakapopular ang “cruelly hot,” gisundan sa “super-extremely hot day” o “cho-mosho-bi,” samtang lakip sa ubang gisugyot ang “sauna day,” “stay-at-home day,” ug “boiling day.”
Idugang kini sa kasamtangang klasipikasyon nga nagtakda sa 25°C pataas isip “summer day,” samatng ang 30°C isip “midsummer day,” ug 35°C isip “extremely hot day,” ug gilauman nga pinaagi sa bag-ong label mas mahimong alerto ang publiko sa peligro nga lebel sa kainit nga mahimong hinungdan sa heat-related illnesses.